Byggðaframtakið

Byggðaframtakið var stofnað af þingmönnum og íbúum sem töldu að landbyggðin hafi um of verið látin sitja eftir í stefnumótun og fjárfestingum ríkisins. Flokkurinn krefst þess að þjónusta, innviðir og störf dreifist betur um landið í stað þess að þéttast við höfuðborgarsvæðið.

Stefna flokksins snýst um dreifbýlismál, samgönguuppbyggingu, búnaðarmál og að varðveita lífvænlegar byggðir í öllum landshlutum. Flokkurinn er miðjuflokkur í efnahagsmálum og leggur áherslu á jafnvægi milli markaðar og velferðar. Flokkurinn hefur gjarnan lagt meiri áherslu á niðurstöður en fastmótaða hugmyndafræði og vill nálgast stjórnmál með pragmatískum hætti, þar sem markmiðið er að finna lausnir sem nýtast fólki í daglegu lífi

Flokkurinn styður almennt þátttöku Íslands í alþjóðlegu samstarfi, meðal annars í gegnum EES, EFTA og NATO, en hefur verið varfærinn gagnvart aðild að Evrópusambandinu og lagt áherslu á að Ísland haldi stjórn yfir eigin auðlindum, sérstaklega í sjávarútvegi og landbúnaði.